ULTIMO ORA : BONEIRU.

KASO MAKAHA POSPONE PA TE DIA 5 DI JUNI 2015.

Awe a kuminsa ku tratamentu di e kaso Makaha ku ta e kaso kaminda Aron Paula a keda asesina den kura di su kas.

E tres sospechoso nan den e kaso aki a presenta den korte awe pa kuminsa ku tratamentu di e kaso.

Despues ku kada un di nan a hanja chens pa splika na huez kiko a sosode riba e anochi fatal di 4 di november 2014, huez a pospone e kaso riba proposishon di fiskal ku a bisa ku su rekisitorio lo ta unu basta largu y detaya prome ku e pidi kastigu pa e sospechoso nan.

Huez e ora ey a pospone e kaso pa dia 5 di juni 2015.

FUENTE: AIMED AYUBI.