BONEIRU.
AWE DJADUMINGU KASO DI TIROTEO NA ALTURA DI KAYA NIKIBOKO NOORD.
Awe tardi algu despues di 3:30 pm un kaso di tiroteo ta keda registra kaminda un homber di fam V lo mester a los algun tiru riba e homber di fam S .
Motibu dikon e tiroteo a tuma luga ta wordu investiga dor di recherche.
E homber di fam S a resulta levemente herida.
Testigunan a bisa ku nan a skucha sigur 3 tiru.
Na momentu ku e melding a drenta na warda di polis , outoridatnan a sali rumbo pa e sitio mesora aki a bin topa ku un toyota yaris shinishi ku tabata bandonando e sitio y polis a dune ordu pa para pero e shofur di e yaris no a sigi e ordu di polis y aki nan polis a los tiru dirigi riba e auto.
Bala a alkansa e vehikulo pero e sospechoso a logra kore bai.
A surgi un persekushon y polis a bin topa e yaris na tera kora , mesora a konfiska esaki den kuadro di e investigashon.
No por a hanja e sospechoso niun kaminda.
Mas lat anochi recherche a logra detene e sospechoso di fam V den un kas na kaya Amazona na tera kora.
E investigashon ta andando.
Fuente: AIMED AYUBI
NOTISIA KU BO POR KONFIA.
RIBA NOS APP DI LIVE 99 FM Y RIBA NOS FACEBOOK TIN POTRET.
