BONEIRU.

 

Awe djaluna 27 di yuli algu prome ku 5’or di atardi tabatin un atrako armá.  Un kompania di seguro  a bai pa depositá sen na banko.

 

Aki deskonosínan kara tapá a yega I menasá e dos empleadonan  ku Arma di kandela. Nan  a logra bai ku un tas ku sen ku e dos empleadonan tabata bai depositá. Nan a drenta den Kia Pikanto koló blanku numera B 9866 I riba velosidat haltu a bandoná e sitio. Por lo mènos dos sospechoso  tabata enbolbí den e atrako aki. E vehíkulo a kore via di Kaya Korona bai Seru Grandi. A sende  e outo na kandela den  e area aki.

 

Polis ta pidi yudansa di komunidat. Kualke persona ku a mira algu di e insidente dilanti di e banko awe tardi, por fabor tuma kontakto ku polis via su number di tip na number 717-7251. Si un hende por a mira e Kia Pikanto enbolbí den e atrako awe koriendo riba velosidat  haltu  òf por a mira e Kia aki den e dianan tras di lomba, tuma kontakto ku polis. Tambe a señalá un Pick Up koló blanku saliendo for di un kunuku na Seru Grandi. Si kualke persona sa algu di e Pick Up aki tambe tuma kontakto  ku polis via di e Liña di tip 717-7251. Tambe yama polis si bo por a mira hendenan ta kore na pia den e area di Seru Grandi.

Tur tip lo yuda polis den e investigashon aki.

 

Esaki ta tur informashon ku por duna pa awor.

 

FUENTE: POLIS

 

Share This
error: Content is protected !!