ULTIMO ORA: BONEIRU.
Net algu despues di 8 pm ku e kantoor di number di pavo real na tera kora a sera su porta nan y ku e bendedora tabata kla pa bai 2 tipo a kore yega na pia y un di nan ku arma di kandela den man a pidi e dama pa entrega e tas ku e benta di dia.
Ya e dama a hinka e tas den auto kaba.
Ora ku su frei a nota kiko tabata pasando y ku nan tabata tin e arma di kandela dirigi riba su frei ela entrega e tas ku e benta di dia ku tabata mas o menos $300,-.
Polis y recherche a kaba di yega y investigashon a start mesora.
Un di e atrakadonan tabata tin un capuchon benta riba su kabes y e otro su kara no tabata tapa.
Despues di e atrako nan a sali na kareda na pia bandona e sitio.
Ta di 3 biaha kaba ku nan ta atraka e mesun kantoor aki den e ultimo 5 luna nan aki.
FUENTE: AIMED AYUBI .
NOTISIA KU BO POR KONFIA.
SI NAN PAPI’E OF LESE TA AKI NAN A MIRE .
