BONEIRU.

 

ULTIMO ORA:

HILDEGARD BUITINK NO TA SIGI MAS KOMO HEFE.

 

Riba 10-10-2015 Kuerpo Polisial Hulanda Karibense ta selebrá su promé lustro. Despues di sinku aña di eksistensia ta un bon momentu pa wak bek i alabes un bon momentu pa fiha bista riba futuro.  Den e aña tras di lomba vários evaluashon a tuma lugá, dirigí tantu riba spesífikamente e organisashon di polis mes komo Hulanda Karibense en general. E resultadonan di e evaluashonnan aki, mester keda prosesá pa asina sigui duna forma na e kuerpo di polis.

Entretantu ya a kuminsá ku algun desaroyo; e kuerpo tin un vishon pa futuro nobo yamá ‘e básiko na òrdu i a entregá esaki na e atministradó di kuerpo polisial i lo desaroyá esaki den un trayekto di desaroyo pa kuerpo.

 

 

E tema sentral di e plannan aki ta pa e tres islanan, esta Boneiru, Saba i Sint-Eustatius,funshoná komo un kuerpo ku un vishon i identidat komun pa asina mehorá siguridat i forma di biba.E koperashon eksistente ku e otro paisnan di teritorio karibense i Nederlandse Nationale Politie lo keda fortifiká den e kuadro aki.

E komienso di e trayekto di desaroyo aki pa polis a inisiá riba 10-10-2015. E trayekto aki ku lo dura kuater aña, lo enfatisá na promé lugá riba kontinuashon di e desaroyo den e organisashon i riba kresementu di maneho di e organisashon i tur empleado, tantu riba nivel profeshonal komo personal.

 

Elaborashon di e vishon i plannan di maneho nobo aki ta eksigí hopi energia, atenshon i kompromiso di maneho i personal di e kuerpo di polis. Kontinuidat i guia ta di gran importansia den esaki. E hefe aktual di polis, konsiderando entre otro e posibilidatnan limitá di prolongashon i situashon personal, no por duna e kontinuidat pa e kuater añanan binidero.

 

 

Pa e motibu aki, den estrecho elaborashon ku atministradó di kuerpo polisial, ela disidí di no bai pa un segundo tèrmino. Esaki ta nifiká konkretamente ku mas pronto posibel, gezaghèbernan i fiskal mayó di Hulanda Karibense lo bai selektá un remplasante, na kua dia promé di mart 2016 lo pasa e kuerpo over di forma ofisial. Durante e periodo promé ku e fecha aki, e hefe di polis aktual lo sigui atendé ku asuntunan andando i lo sòru pa e hefe di polis nobo keda introdusí den e trabou i e area di Karibe.

 

 

E atministradó di kuerpo polisial tin apresio pa e gran empeño di señora Buitink pa Kuerpo Polisial Hulanda Karibense.

 

FUENTE: HUSTISIA/ AIMED AYUBI.

 

NOTISIA KU BO POR KONFIA.

Share This
error: Content is protected !!