Awe nochi alrededor di 7 pm patruya polisial a keda dirigi pa e bario di noord salinja pa ta eksakto na altura di un kas situa den kaya pueblo.
Akinan lo mester a tuma lugar un bashamentu di bala riba e kas dor di un of mas persona ku a pasa den un vehikulo y a los tiru riba e kas.
E persona ku tabata biba na e kas ey un tal Largu lo mester a los tiru for di un arma di kandela riba e auto ku lo mester a basha bala riba dje.
E vehikulo a risibi basta perforashon di bala y e glas nan di e auto toyota yaris aki a keda destrui dor di e perforashon di bala.
Mas lat un tipo a yega hospital ku herida di bala y un ratu despues di e prome un di dos persona a yega hospital ku herida di bala na altura di su bel di pia.
Mesora a bai ku nan sala di operashon pa atende nan.
Tur dos sospechoso ku a yega hospital lo bai keda detene den kuadro di e investigashon ku ta andando.
E homber ku tabata na e kas ku a los bala bek tambe a keda detene.
Den prome instante ta papia di un posibel kaso di atrako pero polis no ta konfia esaki masha.
Investigashon ta den full swing.
FUENTE: AIMED AYUBI.
NOTISIA KU BO POR KONFIA.
SI NAN LESE OF PAPIA E TA AKI NAN A MIRE.
