ULTIMO ORA: BONEIRU.

 

Ministerio Públiko BES, RST i KPCN ta pidi atenshon di komunidat di Boneiru pa lo siguiente:

Riba djadumingu 4 di òktober 2015 entre 10.45 i 11.15 or di anochi tabatin un atrako a tuma lugá na un kas situá na Playa Lechi 36, Kralendijk.(Malekon)

Riba imágennan di kámara por mira ku riba e anochi en kuestion entre 9’or di anochi i 12’or di mardugá e mes un SUV a pasa mas ku dies biaha dilanti di e kas aki direkshon di Playa.

Ministerio Públiko BES i e tim investigativo di RST i KPCN ta buska kontakto ku e shofùr di e vehíkulo aki i eventualmente otro okupante di e outo òf hendenan ku por bisa di ken e outo ta òf tabata e anochi ei.  E por ta un testigu importante den e atrako aki.

Ta hasi un yamada urgente na esnan ku ta rekonosé e vehíkulo òf e shofùr, òf tin mas informashon tokante di e atrako, pa por fabor  tuma kontakto mas pronto posibel ku polis na number di telefon 715 8000 òf 717 8000 òf via liña di tep 717 7251.

Solamente ku bo yudansa nos por hasi Boneiru mas seif.

FUENTE: O.M.

 

IMG-20151029-WA0031 IMG-20151029-WA0030 IMG-20151029-WA0029

Share This
error: Content is protected !!