BONEIRU.

E sospechoso den e kaso di asesinato riba Francisco Wanga a atmiti na e team investigativo ku ta e a kaba ku bida di e viktima y hasta a bai mustra outoridatnan e sitio eksakto den besindario di seru largu kaminda e kurpa sin bida tabata.
For di un komienso despues ku a bira konosi ku Francisco Wanga tabata perdi famia nan no tabata konfia e amigu Venezolano aki di 21 anja jama Jonathan M.
Porsierto e sospechoso a jega Boneiru na komienso di luna di november y tabata tin intenshon di keda aki te na februari di 2016.
Despues ku Francisco a disparse direpiente ela kambia su ticket pa sali for di Boneiru awe 2 di december.
Francisco tabata tin sen di un kompania ku e tabata traha pe e sen aki tambe a disparse.
E forma ku e viktima a perde su bida ta indika ku hasta elo mester a bringa ku e sospechoso te na final.
E sospechoso Jonathan M. su kurpa tabata raska indikando ku elo mester tabata den un forsageo.
Awe OM a konfirma ku e kurpa sin bida ta pertenese na Francisco Wanga.
E kurpa a keda konfiska den kuadro di e investigashon ku ta andando y den e proximo dia nan lo wordu manda hulanda pa NFI hasi su investigashon y outopsia riba e kurpa.
Tambe e team investigativo lo ta investigando si e sospechoso Jonathan M. a aktua su so of ku ayudo di otro.
Tambe lo ta bezig ku Venezuela pa sa e historial di e sospechoso si ela yega di hanje envolvi ku hustisia den pasado.
Famia nan a hunga un rol determinante pa ayuda outoridatnan solushona e kaso.
Jonathan M. ta detene relashona ku e kaso aki mientras ku e investigashon ta den full swing.

FUENTE: AIMED AYUBI.

NOTISIA KU BO POR KONFIA.IMG-20151202-WA0042

 


 

Share This
error: Content is protected !!