DRAMA RIBA LAMAN PEGA KU ARUBA.

BARCU VENEZOLANO DONJA MATHILDA KU A SALI FOR DI BONEIRU PA BAI ARUBA A SINK.

Djabierne anochi wardakosta ta hanja melding ku e barcu donja mathilda ku a sali Boneiru for di djaweps atardi laat no a yega Aruba.
Mesora a start un operashon di buskeda pero no a logra lokalisa e barcu.
Djasabra e tanker pacific meltem ta meldu ku nan tin un tripulante di un barcu ku lo a sink y ku tin 3 persona mas den laman pega ku nan kadena di anker.
Mesora wardakosta a manda helikopter y un cutter pa e sitio ku ta mas o menos na 5 miya zuid oost di Aruba.
A rescata e 3 nan ku tabata den laman , un di nan si su kondishon tabata kritiko ya ku ela wordu morde dor di tribon y a perde basta sanger.
E otro ku tabata bordo di e tanker ku a reskate tambe a wordu hiba Aruba.
Lamentablemente ora ku a yega hospital ku esun ku a wordu morde dor di tribon ela fayese.
Informashon ku nos ta dispone di dje ta indika ku un ola grandi lo mester a drenta e barcu donja mathilda djatras i di sorpresa esaki a pone ku e barcu a kuminsa sink rapido.
Abordo tabata tin 7 tripulante tur tabata venezolano.
2 di nan a bai fondo di laman ku e barcu nan no a logra sali na tempu i di e sinku nan ku a logra sali un di nan a muri a konsekuensha di e heridanan ku e tabata tin dor di e morde di tribon.
E kuater otro nan ta risibiendo tratamentu mediko na Aruba y algun di nan tabata den estado di shock.
Un kaso hopi lamentabel y tristu.
Djaweps e barcu aki tabata na Boneiru kargando kaha di whiskey pa bai Venezuela kune.

FORSA NA E FAMIA NAN.

IMG-20151220-WA0072_wmIMG-20151220-WA0071_wmIMG-20151220-WA0070_wmIMG-20151220-WA0069_wmIMG-20151220-WA0068_wmIMG-20151220-WA0067_wmIMG-20151220-WA0066_wm

 

 

FUENTE: AIMED AYUBI.

NOTISIA KU BO POR KONFIA.

Share This
error: Content is protected !!