UPDATE YEGADA BARKU MS RIVIERA.

Kralendijk – Awe den oranan di mainta Gezaghebber di Boneiru sr. Edison Rijna a laga yama un rueda di prensa pa duna un deklarashon aktualisá enkuanto bishita di e barko krusero Riviera di e kompania Royal Caribbean Cruise Ltd.
Manera ya a menshoná den un komunikado anterior ku supuestamente tin pasaheronan infektá ku un vírùs ku ta kousa sakamentu i diarea. Ta trata aki di posibelmente e norovirus i/òf Norwalk vírùs .
Den Gezaghebber su deklarashon na prensa ela trese dilanti ku e tim di Salubridat Públiko, huntu ku Staf médiko di San Franciscus Hòspital , Havenmeester, Agensia di e barku i Direktorado Supervishon i Mantenshon di Lei , a wak e situashon i akuerdo konsehonan ku Gezaghebber a haña di instanshanan tantu lokal komo internashonal manera Rijksinstituut voor Volksgezondheid en Milieu a pone ku a yega na e desishon ku e barku Riviera por drenta Boneiru. Esaki por a sosode tambe abase di sierto medidanan di prevenshon/protekshon ku e personanan riba e barku no afektá i ku no tabata den kontakto ku personanan afektá.
Mas aleu Gezaghebber a trese pa dilanti ku awe mainta e grupo di Salubridat Públiko i e grupo di Supervishon i Kòntròl di Lei a subi na bordo i a hasi e chekeonan nesesario i abase di esaki a konfirmá loke ya konosí i a konfirmá na Gezaghebber despues di a tuma konsehonan nesesario di otro instanshanan ku lo ta seif pa hendenan baha e krusero kombiná ku algun medidanan ya menshoná den nos komunikado anterior. Despues di tur e aspektonan di kòntrol, higièna, medidanan di prevenshon e krusero a haña e notifikashon ku e ta deklará liber i ku e personanan no infektá i ku no tabata den kontakto ku personanan infektá por baha e krusero.

E medidanan/ instrukshonnan manera desinfektá nan mes dor di mantené e higiena durante di tosamentu i higiena prinsipalmente di nan man i tambe na momentu di desembarká, mester desinfektá prinsipalmente e mannan ku e medionan disponibel, manera djèl ku tin na disposishon di e pasahero na porta di e barku promé ku desembarká ta keda te ku awe tardi 17.00or na vigor ora e krusero bandoná Boneiru.

Tin ku aksentuá ku ta trata aki di un di e kruseronan ku ta riba e lista pa bishitá Boneiru. Ta trata di un kantidat di 81 personan infektá, kual tres tripulante i sobrá ta turista. Mester bisa tambe ku di e personanan infektá aki ya kaba un desénas ta rekuperando satisfaktoriamente.

IMG-20160325-WA0020_wm

FUENTE: OLB.

Share This
error: Content is protected !!