Detenshon na Boneiru den kuadro di investigashon riba Lei di Opio .

Riba djabièrnè mainta 8 di yüli, a tuma lugá un entrada hudisial na tres kas na Boneiru. Esaki a sosodé bou di mando di Ministerio Públiko BES, realisá dor di tim di investigashon di Koninklijke Marechaussee (Kmar) den kolaborashon ku KPCN.
A listra dos kas na E.E.G. Bulevar i unu na Kaya Neerlandia. Tambe nan a listra un establesimentu situá den Kaya Grandi.
Den e investigashon a investigá sospecho pa mira si tin kuestion di violashon di lei di Opio BES.
A detené tres persona. Ta trata di tres hòmber di inisialnan E.P.d.V, P.L.C. i J.H.B.E.M. v.d.L. A konfiská diferente artíkulo entre otro un kantidat di pulchi. For di investigashon preliminar a bin sali na kla ku e pulchinan ta kai bou di Lei di Opio BES.
E investigashon ta kontinua.

Fuente: O.M.

IMG-20160708-WA0034 IMG-20160708-WA0033 IMG-20160708-WA0032 IMG-20160708-WA0031 IMG-20160708-WA0030 IMG-20160708-WA0029 IMG-20160708-WA0028 IMG-20160708-WA0027 IMG-20160708-WA0026

Notisia ku bo por konfia.

Share This
error: Content is protected !!