Awe merdia Abogado-general (AG) di Ministerio Publiko (OM) a hasi den Korte na Boneiru un demanda den Korte di apelashon (hoger beroep) di 24 aña di prison pa tur 3 sospechoso den kaso Country Garden.

Ta trata e kaso di dobel asesinato komete den marduga di 23 pa 24 yanuari 2014 na Boneiru i na unda e hombernan Scholts i Lourens a perde nan bida di un forma hopi kruel.
E sospechosonan den e kaso aki ta C.W., G.A.C-P. i R.J.D.F. Anteriormente nan a haña den Korte den Prome instante kastigu di respektivamente 24, 24 i 16 aña prison.
Veredikto den e kaso aki lo ta aki 3 siman.

FUENTE: O.M.

Share This
error: Content is protected !!