Pronóstiko di tempu pa Boneiru

Djaweps 29 te Djabièrnè 30 Sèptèmber 2016
Áwaseru pisá ku bos i welek, chèns pa kondishon di tormenta tropikal

Áwaseru pisá ku bos i welek, chèns pa kondishon di tormenta tropikal pa algun tempu

Djaweps lo kai aki òf aya áwaseru duru ku bos i welek. Ta spera ku den bintikuater ora lo kai 10-30 mm, lokal posiblemente 50 mm. Tin chèns pa inundashon lokalmente i for di mèrdia tin posibilidat pa ráfaga di 75-100 km/ora. E temperatura mínimo lo ta aproksimadamente 26ºC. E temperatura máksimo lo ta 31ºC. Djaweps e bientu lo ta inisialmente di direkshon nort, suak te moderá, 2-4 Bft. Atardi e bientu lo bira wèst pa nortwèst i moderá te basta fuerte, 4-5 Bft. Awe nochi e bientu lo bai direkshon sùitwèst i lo oumentá i basta fuerte te fuerte, 5-6 Bft.

Djabièrnè áwaseru (pisá) lo sigui kai i ta spera ku den bintikuater ora lo kai 30-70 mm, lokal posiblemente mas o ménos 100 mm. Esaki por kousa inundashon na diferente lugá i atrobe tin posibilidat pa ráfaga di 75-100 km/ora durante di áwaseru. E temperatura mínimo lo ta aproksimadamente 26ºC. E temperatura máksimo lo ta 31ºC. Den anochi di djaweps pa djabièrnè e bientu lo bira direkshon sùit i lo sigui oumentá i bira basta fuerte te duru, 5-7 Bft, djabièrnè mainta e bientu lo bira sùitost. Anochi benidero i djabièrnè mainta tin un chèns chikí pa kondishonnan di tormenta tropikal durante di algun tempu, 8 Bft. Djabièrnè mèrdia e bientu lo bira ost pa sùitost i lo baha te basta fuerte te fuerte, 5-6 Bft.

============================

Wer di Boneiru

Boletin di siklon tropikal

Boletin di siklon tropikal number 5

Mensahe di alerta number 5

Fecha: djaweps 29 di Sèptèmber, 2016 Ora: 12:00 ora lokal

Aviso/atvertensia: Aktualmente, un alerta pa un tormenta tropikal ta na vigor. Tambe aktualmente, atvertensianan regular ta na vigor pa ráfaga di bientu fuerte (mas ku 75 km pa ora), hopi áwaseru (mas ku 30 mm pa ora) i ! 25;waser u kompaña pa bos ku welek. Tambe, un atvertensia pa botonan chikí ta na vigor.

Pa 11:00 AM AST (1500 UTC), e sentro di e tormenta tropikal Matthew tabata lokalisá na un latitut di 14.2 nort, i latitut di 66.3 wèst.

Matthew ta move den direkshon wèst na un velosidat di kasi 13 kt pa ora (esta 24 km pa ora) i por lo general den direkshon wèst i ta spera poko disminushon den e velosidat den e próksimo dianan. Den e trayekto di e pronóstiko, e sentro di Matthew ta pronostiká di bai pasa parti nort di Boneiru riba djabièrnè.

Efekto riba kondishon lokal

Bientu: Bientu ta bini for di direkshon sùitwèst leve pa moderá 2-4 Bft. Awe tardi e bientu ta oumentá pa moderá, 4-5 Bft. Riba djaweps anochi e bientu lo oumentá moderá te fuerte, 4-6 Bft. Den e anochi di djaweps pa manisé djabièrnè e bientu lo bira sùit, i lo oumentá pa hopi duru, 5-7 Bft, i riba djabièrnè mainta e bientu lo bini for di direkshon sùitost.

Den e anochi di djaweps pa manisé djabièrnè tin un posibilidat temporal di kondishonnan di bientu di forsa di un tormenta tropikal, 8 Bft. Riba djabièrnè atardi e lo kambia pa ost te sùitost i lo baha pa fuerte, 5-6 Bft. Por spera fáraga di bientu fuerte entre 75-100 km pa ora posiblemente kompañá pa e áwaseru te ku djasabra mainta.

Laman: Olanan di laman lo oumentá for di djaweps atardi. Djaweps anochi altura signifikante di olanan lo ta 2.5-3.5 meter na e parti nortost i nort di e kosta di e isla. Kostanan na parti wèst i ost lo por spera olanan di mas o ménos 2.5 meter, miéntras otro partinan di kosta por spera olanan di 2.5 meter òf ménos. Olanan signifikante lo kuminsá disminuí for di djabièrnè atardi.

Áwaseru: Lo tin áwaseru lokal kompañá ku bos i welek. Kantidat di áwaseru ku por spera awe lo ta entre 10-30 mm, posiblemente lo! kal 50mm . Inundashon lokal ta posibel. Riba djabièrnè e áwaseru lo oumentá i lo ta kompaña ku bos i welek i por resultá den 30-70mm di áwaseru, ku e riesgo ku esaki yega 100mm lokal. Esaki por resultá den inundashon na diferente área.

For di djabièrnè pa djasabra por spera ku e áwaseru ta baha. For di djaweps te ku djasabra e kantidat di áwaseru ku por kai lo entre 50 pa100 mm. Den e kaso di mas grave (un chèns masha chikitu) por spera mas ku 150 mm di áwaseru, di kua mayoria lo kai riba djabièrnè.

Outoridatnan lokal i abitantenan di Boneiru ta keda atvertí pa sigui monitor e progreso di e sistema di wer aki i pa tuma e medidanan di seguridat nesesario pa nan mes i propiedat.

Último posishon i pronóstiko di sentro:

Último posishon i pronóstiko:

Fecha/Ora Posishon Intensidat lokalidat

Djaweps, 29 di Sèptèmber, 11:00 AM 14.2 nort 66.3 wèst Tormenta tropikal 307 km nortost di Boneiru

Djaweps, 29 di Sèptèmber , 08:00 PM 14.3 nort 68.0 wèst Tormenta tropikal 235 km nort di Boneiru

Djabièrnè, 30 di Sèptèmber , 08:00 AM 14.1 nort 70.2 wèst Orkan kategoria 1, 297 km nort-nort- wèst di Boneiru

Definishon:

Boletin informativo di tormenta tropikal: Un boletin informativo pa posibel kondishon di tormenta tropikal, inkluyendo posibel bientu duru di entre 63-117 km pa ora (39-73 mph) (34-63 knots) ta ser sperá den áreanan spesífiko e próksimo 48 oranan òf promé.

FUENTE: KNMI

img-20160929-wa0162 img-20160929-wa0161

img-20160929-wa0163

Share This
error: Content is protected !!