ULTIMO ORA.

BONEIRU.

Awe marduga den kareda di algu despues di 2am polis ta keda dirigi ku urgensha pa un kaso di tiroteo ku lo mester a tuma lugar den kaya Korsou kanti malekon.
E informe ku a drenta na warda ta indika ku nan lo mester a los bala riba un homber y ku e ta gravemente herida benta abou na suela.
Ambulance tambe a presenta na e sitio pa transporta e viktima ku urgensha pa hospital.
Na yegada mesora a bai over pa trata na para e kantidat di sanger ku e viktima tabata perdiendo a konsekuensha di su herida nan di bala ku ela risibi.
Despues di un ratu e informe ta drenta ku e viktima jama Jodritan Theodora alias Jowy Wise di tera cora nase dia 7 di feb 1993 ku tabata tin 24 anja di edat a fayese a konsekuensha di e herida nan di bala ku ela sufri.
Recherche for di e momentu ku e suseso a bira konosi ta trahando duru riba e kaso.
Ta skuchando diferente testigu y tambe tin camera nan instala den besindario kaminda e insidente a tuma lugar anto esaki lo por yuda outoridatnan tambe pa solushona e kaso. Diferente persona den besindario a hasi menshon di un auto pretu ku lo mester a hala kita for di e sitio despues di e tiroteo.
Jowy wise a keda likida ku 3 tiru di kual bala a alkanse na altura di su kabes y kara.
Ta investigando kiko lo por ta e problema ku a kondusi na e kaso di tiroteo ku morto aki.
E investigashon ta den ful swing.

Forsa na e famia nan di e defuntu den e momentu nan difisil aki.

Otro morto violento na Boneiru den apenas 24 ora.

FUENTE: AIMED AYUBI

Share This
error: Content is protected !!