A ENKONTRA KURPA SIN BIDA DI UN DAMA NA UN KUNUKU NA PLAYA GRANDI.

ULTIMO ORA.

BONEIRU.

A ENKONTRA KURPA SIN BIDA DI UN DAMA NA UN KUNUKU NA PLAYA GRANDI.

TIN TUR INDIKASHON KU TA TRATA DI E DAMA MEXICANO PERDI.

Awe tardi net despues di 6pm outoridatnan di e team investigativo a bai dirigi na un kunuku ku ta situa na playa grandi net pabou di e dam grandi.
Aki nan a bin topa ku un graf basta fresku y ora outoridatnan a koba a bin topa ku un kurpa sin bida di un dama.
E tatuahe na su brasa drechi ariba a yuda outoridatnan indentifika e dama.
Aunke ku e no ta ofisial ahinda tin tur indikashon ku ta trata di e dama Adriana Morales de Florencio di 23 anja di edat ku ta perdi for di 20 di april.
Tin un sospechoso detene ku ta e homber R.S. y tambe un arma di kandela konfiska durante un entrada hudisial ku a tuma lugar ayera nochi.
A konfiska tambe e auto di R.S.
Ainda mester saka afo kon e dama a muri.
Investigashon ta den full swing y outoridatnan tin e kunuku hermetikamente sera.
No ta deskarta ku mas detenshon lo por kai den e kaso.
Ta e investigashon lo determina tur kos.
Ainda mester saka afo kiko precies e rol di sospechoso tabata.
Un kaso hopi tristu y lamentabel.
E mama ku e tata di Adriana a kaba di yega Boneiru tambe algun ratu pasa.

FORSA NA E FAMIA NAN.

FUENTE: AIMED AYUBI.

NOTISIA KU BO POR KONFIA.

Update!

Info OM BES:

A haña restunan mortal

Relashoná ku e investigashon pa e dama perdí  for di djaweps 20 di aprel na Boneiru por informá ku funshonarionan di polis KPCN i OM BES a ehekutá un buskeda awe tardi i anochi riba un tereno na Playa Grandi den bisendario di dam Grandi. Esaki relashoná ku desaparishon di e dama Adriana Morales de Florencio di Mexico. Por konfirmá ku bin haña e restunan mortal di un persona.
E investigashon forensiko riba i bandi di e kurpa ta andando. E investigashon ei ta entre otro pa determiná si ta trata aki di e dama perdí. Polis i OM ta tene kwenta sinembargo debidamente ku esaki.
Mientrastantu a pone famia di Adriana Morales de Florencio na altura di e hayasgo di e kurpa.
E investigashon ta kontinuá.

Stoffelijk overschot gevonden

In het onderzoek naar de sinds donderdag 20 april 2017 vermiste vrouw Adriana Morales de Florencio uit Mexico hebben functionarissen van het Korps Politie Caribisch Nederland (KPCN) en het Openbaar Ministerie (OM) BES vanmiddag en vanavond op Bonaire een terrein doorzocht bij Playa Grandi in de nabijheid van Dam Grandi. Daarbij is een stoffelijk overschot  aangetroffen.
Het forensisch onderzoek bij en aan het lichaam is in volle gang. Dat onderzoek is mede bedoeld om vast te stellen of het om de vermiste vrouw gaat. Politie en OM houden daar wel ernstig rekening mee.
De familie van Adriana Morales de Florencio is over de vondst van een stoffelijk overschot inmiddels geinformeerd.
Het onderzoek wordt voortgezet.