KASO DRUM. FISKAL A PIDI 124 ANJA DI PRIZON REPARTI DEN 7 SOSPECHOSO

NOTISIA.

BONEIRU.

KASO DRUM.

FISKAL A PIDI 124 ANJA DI PRIZON REPARTI DEN 7 SOSPECHOSO.

Info OM BES:
Awe mainta, djamars 16 di mei 2017, Fiskal di Ministerio Publiko (OM) a tene su rekisitorio den kaso “DRUM” na Boneiru.
Ta trata di un kaso ku varios akusashon kontra un of mas di e 7 sospechoso, variando di poseshon di arma di kandela ilegal, trafikashon di hende, trafikashon di droga, atrako ku violensia i morto di pokis Ferry Bakx. Ta trata di hechosnan ku a tuma lugá na luna di ougustus 2016 na Boneiru.

E demanda di OM BES den e kaso aki ta lo sigiente:
Nitzael P.G. (Venezuela, 1995) 25 aña prison
Rachyt S. (Bonaire, 1975) 20 aña prison
Chanon R. (Venezuela, 1983) 18 aña prison
Jose Enrique E.P. (Venezuela, 1988) 16 aña prison
William P. (Venezuela, 1986)15 aña prison
Fransisco P.M. (Venezuela, 1988) 15 aña prison
Fransisco C.A. (Venezuela, 1988) 15 aña prison

Tambe a entregá na Korte varios petishon pa daño perhuisio. E montante ta suma mas o menos 14.000 dollar. Ta trata di daño perhuisio di famia Van Dijk i partner di Ferry Bakx. Ta asina ku famia di defuntu a anunsia ku nan ta bai inisiá tambe un proseso di daño perhuisio pa medio di Korte Sivil.

Awe i mayan ta sigi e parti di defesa, repliek i dulpiek. Ta programá ku djarason atardi ta klousura e tratamentu di e kaso ku e ultimo palabra di e 7 sospechosonan.

UPDATE: E SOSPECHOSO KIKE TIN PROBLEMA DI SALUD.

Wes a kaba di informá ku analisis di mediko mas avansá awe a determiná ku e sospechoso “Kike” Exposito Perez den kaso DRUM na Boneiru tin ku biaha urgentemene pa Ulanda pa tratamentu mediko. E resultado mediko no ta bon i ta nesssario pa e haña tratamentu mas avansá den eksterior.
Wes ta bai trata pa atende ku su kaso kompletu awe pa evitá ku e tin ku bin sala di Korte mayan atrobe.