UN ORA PA OTRO LO POR TIN UN KOALISHON NOBO.

ULTIMO ORA.

BONEIRU.

UN ORA PA OTRO LO POR TIN UN KOALISHON NOBO.

NEGOSASHON NAN TA DEN UN FASE BASTA AVANSA.

Notisia Live 99 FM a kompronde ku tin reunion nan basta pisa ta tumando lugar pa formashon di un koalishon nobo.
MPB lo mester ta praktikamente kla ku frakshon Rafaela y huntu lo a reuni na algun okashon kaba ku e independiente di Clarck Abraham.
E fuente a informa na nos ku probablemente Clarck Abraham lo por sali bek for di konseho insular pa laga Michael Pietersz drenta bek y si dado kaso esey no sosode e por ta hasiendo un apelashon riba Benito Dirksz ku ta e sigiente kandidato riba lista na turno pa drenta konseho insular.
Anto lo forma ku MPB ku 3 asiento y 1 asiento di frakshon rafaela pa un mayoria di 5.
Naturalmente ku segun e informe ku nos tin sr Clarck Abraham lo drenta komo diputado.
Probablemente sr Joselito Statia lo retira komo diputado pa Clarck por drenta.
E informe ku nos ta dispone di dje ta papia ku den 24 pa 48 ora lo mester keda kla ku loke tin riba mesa na e momentunan aki.

Pues tin basta moveshon riba tereno di koalishon.

 

FUENTE: AIMED AYUBI.

NOTISIA KU BO POR KONFIA.

Mi tin un potret data di 2 anja bieu net prome ku elekshon 2015 di sr Elvis Tjin a sjoe y sr Clarck Abraham awe 2 anja despues nos por publika esaki.

About