AKSIDENTE SERIO DI TRAFIKO KU 2 HERIDO NA SLAVENHUTJES.

NOTISIA.

BONEIRU.

AKSIDENTE SERIO DI TRAFIKO KU 2 HERIDO NA SLAVENHUTJES.

Algun ratu pasa algu prome ku 12 am melding a drenta na warda di polis ku un aksidente grave a tuma lugar riba EEG boulevard na altura di slavenhutjes.
Un pikop lo mester a bai dal violentamente den 1 di e kas nan di katibu y a plama esaki na werki.
E pikop a keda totalmente kibra despues di e impakto.
Un dama ku tabata maneha e pikop a keda herida y a perde basta sanger su partner a keda pega den e pikop y personal di brandweer a hasi un tremendo trabou pa saka e homber for di den e posishon ku e tabata.
Ambulance a transporta tur 2 viktima mesora pa hospital pa tratamentu mediko.
Polis a yega mesora na e sitio.
Investigashon lo mester saka afo kiko a pasa.
Tin tur indikashon ku e pareha tabata koriendo duru y den un pida bogt a baha for di kaminda bai dal den e slavenhutje.
Danki Dios na un persona ku tabata pasando ey banda den auto ku ela nota ku tin un pikop mal kibra den un di e slavenhutjes nan y ela jama polis mesora.

FUENTE: AIMED AYUBI.

NOTISIA KU BO POR KONFIA.