AKSIDENTE KU MORTO RIBA KAMINDA DI RINKON.

NOTISIA.

BONEIRU.

AKSIDENTE KU MORTO DEN TRAFIKO RIBA KAMINDA DI RINKON.

Awe nochi den kareda di 7pm melding a drenta na warda di polis ku un auto lo mester a alkansa un hoben riba baiskel y ku e situashon di e viktima ta kritiko.
Mesora a despacha polis pa rinkon y tambe ambulance y brandweer.
E aksidente a tuma lugar net na e entrada di rinkon banda di e veld di bala pariba di warda di polis bieu.
Yegando na e sitio por a nota ku e impakto tabata fuerte.
E viktima un hoben di 13 anja di inisial M.K. ku tabata riba e baiskel a perde su bida na e sitio di e aksidente mes.
Dr lont a presenta na e sitio pa konstata morto.
Outoridatnan ta investigando kousa di e aksidente.
E shofur ta wordu skucha dor di polis pa e splika kiko a pasa.

Forsa na e famia nan den e momentunan difisil aki ku perdida di nan ser keri.

FUENTE: AIMED AYUBI.