TRAHADONAN DI BOPEC A DRENTA AKSHON.

ULTIMO ORA.

BONEIRU.

 

TRAHADORNAN DI BOPEC A DRENTA AKSHON.

PORTA NAN DI BOPEC A WORDU SERA.

NADA NO POR DRENTA NI SALI.

BOPEC TA KOMPLETAMENTE PLAT.

Awe 2 di januari 2018 trahado nan di BOPEC a disidi ku nan no ta bai sinta warda riba e deadline ku Hulanda a buta pa nan.
Nan a disidi di sera e porta prinsipal di bopec na kadena ya niun vehikulo no por drenta ni sali for di bopec te ora nan tende konkreto kiko tey pasa ku e kompania ku nan ta traha pe.
Nan kier pa gerensha di Venezuela bin abou pa kaba pa atende e asuntu nan serio ku Hulanda.
Tambe nan kier sa sigur si algu pasa ku bopec si ta berdat ku gobiernu esta hulanda tin plan B di berdat pa atende ku nan y Boneiru.

E situashon ta basta serio y si no atende e problema aki seriamente e konsekuensha nan ta pa Boneiru tambe.

No lubida ku bopec ta entrega e HFC ku ta e heavy fuel pa contour global por draai e mashin nan ku ta produsi koriente pa rond Boneiru.

E situashon ta di atenshon.

RADIO LIVE 99.9 FM LO MANTENE PUEBLO INFORMA DI TUR LOKE TA PASANDO.

  

NOTISIA KU BO POR KONFIA.

FUENTE: AIMED AYUBI.