PROME MORTO DEN TRAFIKO PA 2018

ULTIMO ORA.

BONEIRU.

PROME MORTO DEN TRAFIKO PA 2018.

Ayera 15 di mart 2018 alrededor di 11.45 di anochi un aksidente ku herido a tuma lugá riba Kaya Nikkiboko Nort na altura di kaminda ántes tabata Caribbean fasteners. Un outomobilista kier a kita na man robes, sin paga tinu riba e tráfiko kontrario, pa drenta e plenchi di parker patras di Misa di Playa i a alkansá un skuter ku tabata bayendo direkshon di Nikiboko. E hòmber ku tabata manehá e skuter a keda gravemente heridá. Ambulans a transportá e víktima pa hospital pa tratamentu médiko. E situashon di e víktima ta alarmante.
Departamentu di tráfiko ta sigui ku e investigashon.

UPDATE DI AKSIDENTE DI AYERA.

E hòmber ku inisialnan M.M nasé dia 5 di Januari 1974, lamentablemente a fayese a konsekuensia di e aksidente ku a tuma lugá ayera nochi riba kaya Nikkiboko Nort.

E kaso aki ta hiba nos na e promé morto den trafiko pa aña 2018.

FORSA NA FAMIA NAN DI E HOMBER MARTIJN MELOEN DI 44 ANJA DI EDAT KU A PERDE SU BIDA.
PAS NA SU RESTUNAN.