AKSIDENTE DI TRAFIKO KU MORTO

ULTIMO ORA.

BONEIRU.

AKSIDENTE DI TRAFIKO KU MORTO.

Awe marduga 2 di april algu prome ku 4 or di marduga melding a drenta na warda di polis ku un aksidente a kaba di tuma luga riba e kaminda di sorobon.
Te ainda pa motibu nan deskonosi un auto di famia biniendo for di sorobon lo mester a perde kontrol riba e volante y drenta e mondi kanti kaminda ku porsierto ta yen di clip.
E vehikulo lo mester a boltu tambe den e baranka nan.
Tabata tin 2 persona den e auto 1 dama y 1 homber.
E dama a keda herida y e homber no tabata reakshona.
Ambulance y polis tabata presente na e sitio mesora.
Kuerpo di bombero tambe a ser jama pa yuda saka e homber ku tabata tras di stuur y ku a keda pega den e auto.
Despues di a saka e dama a transporta esaki ku urgensha pa hospital.
Tabata tin 2 ambulance na e sitio di aksidente.
Ora ku a saka e homber e personal di ambulance ya no por a hasi nada mas pa e shofur di e vehikulo ku no tabata reakshona.
A manda jama Dr Lont ku a konstata morto di e homber E.M. nase 17 di januari 1992 na Korsou.
E viktima tabata tin 26 anja di edat y ta bira e di 3 morto den trafiko na Boneiru.
Kuerpo polisial ta investigando e aksidente aki.
Velosidat haltu a hunga un rol probablemente den e aksidente aki.

FORSA NA E FAMIA NAN DEN E MOMENTUNAN DIFISIL AKI KU PERDIDA DI NAN SER KERI.

FUENTE: LIVE FM.