KASO CALDERA

BONEIRU.

KASO CALDERA.

OM BES:

*Medida ta nesesario na DROB*
 
Ministerio Públiko (OM) di Boneiru, Sint Eustatius i Saba (BES) ta haña ku gobièrnu di Boneiru mester tuma medida struktural na departamento di DROB (Ruimtelijke Ontwikkeling en Beheer), instansia di Entidat Públiko, pa para abusu ku ta tumando lugá einan. E manera ku tareanan na e instansia aki ta keda ehekutá ta habri kaminda pa kriminalidat ku ta mina (ondermijning) den e prosesonan atministrativo. DROB ta entre otro enkargá ku duna pèrmit i emití tereno.
 
OM BES a duna guia na un investigashon yamá “Caldera”. E investigashon a keda ehekutá pa Recherche Samenwerkingtseam (RST) i Rijksrecherche. Tabata trata di un investigashon na unda tabata sospechá dos kolaborador di e instansia  ku a hasi nan mes kulpabel na froude i labamentu di plaka.
 
Den e investigashon a determiná ku den e servisio tabata tin enrikesimentu i arbitrariedat (verrijking en willekeur). Ya kaba den 2009 *Algemene Rekenkamer* a atvertí pa esaki. Tin pa años tambe kuentanan konosí di enrikesimentu i arbitrariedat.
 
Den e investigashon “Caldera” a konstatá esakinan tambe debidamente. Pa OM BES ta sigur ku tin abuso ta tuma lugá einan. Ta bon pa apuntá ku e investigashon penal tabata deliñá i a profundisá riba e sospecho ku a lanta kontra e dos kolaboradó, i no tabata intenshoná pa identifiká funshonamentu di e gerensia. Denter di e aspekto pa deliñá a bin konstatá sinembargo puntonan konkreto di abuso ku a ser deskribí den un rapòrt.
 
De e rapòrt di Rijksrecherche, den kual tambe a inkorporá resultadonan di e investigashon aki, a deskribí kon e situashon ta kondusí kon gobernashon i aktuashon di gobernashon ta ser miná.
 
Ora un tarea di gobièrnu no por ser ehekutá mas den interes públiko i ta solamente ta ser ehekutá pa interes personal, ta papia di mina. Esaki pues tambe por ta pa sirbi interes kriminal. Mina ta kondusí na na minamentu di pilarnan di un estado di derechi i konfiansa den un gobièrnu. Ta netamente pa esei ku kombatimentu di  mina ta un prioridat haltu di Ministerio Públiko.
 
Enrikesimentu i arbitrariedat i otro komportamentu no-integro tabata posibel dor di un regulashon ku apénas ta funshoná i na kual tur kolaborador tin ku tene nan mes na dje. Banda di esei e kontrol riba atendimiento ta kompletamente insufisiente. No por papia di un sistema funshonal di asina yamá ‘checks and balances’. Dor di esaki na su turno abuso no a keda detektá miéntras ku mehorashon riba nivel di gobernashon no a keda reforsá.
 
Dor ku tin apénas regla pa ámtenar i e mandatario a bin konstatá e abusunan aki ku ta tuma lugá, pero no por a konstatá ku e reglanan a keda violá di un forma ku ta violá lei penal. A base di e resultadonan di e investigashon no por persiguí a base di komportashon den ehekushon di e funshon. Maske ku e komportamentu ta sosialmente i etikamente kondenabel.
 
OM ta haña ku a base di e rapòrt di Rijksrechercheta nesesario pa stipulá regla i maneho i tambe pa organisá mekanismonan di kontrol i pa atraé personal mas adekuá.
 
Den e rapòrt a inkorporá un lista di tereno(parsela) i situashonnan ku a bin dilanti den e investigashon di kual mandatarionan tin ku determiná  si e ta legalisá òf ta para e abusunan konstatá. Ta trata por ehèmpel di konstrukshon sin pèrmit. A entrega e rapòrt na Bestuurscollege i lo keda entregá tambe na Konseho Insular.
 
OM te na e momentunan aki no por indiká si ta bin ku un kontinuashon di e investigashon, pero ke señalá sinembargo e nesesidat di akshon atministrativo i polítiko no ta dependé di esaki. Ounke ku no a konstatá hechosnan kastigabel den ehersé funshon di e sospechosonan, tin sí e sospecho di falsifikashon di dokumento den forma di nota komo persona privá un montante robes di kompra den un akta di notario. E persona envolví a akseptá pa esaki un kastigu di trabou (werkstraf). Ta bon pa apuntá ku relatando na e investigashon e no a atmití kulpabilidat na e parti di froude.
 
Kralendijk, 12 yüni 2018