Yùfrou “Yèt” Provance: TREMENDO EKSPERENSIA DI KAS FLAMBOYAN HOSPICE BONAIRE

Written by on

Yùfrou “Yèt” Provance:

TREMENDO EKSPERENSIA DI KAS FLAMBOYAN HOSPICE BONAIRE KRALENDIJK — Yùfrou Felisia Henriette “yet” provence (77), a konta eksperensia ku e tabatin di Kas Flamboyan Hospice Bonaire. El a konta situashon ku e tabata den pa motibu di problema ku pia i no por a kana.
“Dòkter a rekomendá pa ami bai Kas Flamboyan i  keda 3 siman pa atenshon spesial. Esaki tabata nesesario pa motibu ku mi no por a haña sufisiente atenshon na kas. Nan a yudami hopi bon. Mi no tin palabra pa gradisí e trato ku ami a risibí. Mi a yega den ròl stul i sali kaná. Mi pianan a stabilisá hopi,”Yèt a konta. El a sigui papia i a menshoná :”Pa motibu ku e hendenan na e kas a yudami asina bon, mi ta entrega 2 regalo ku mi a prepará ku hopi esfuerso pa nan. E regalo ta un muestra di apresio pa  Tania Kokelkoren, kende ta direktor Kas Flamboyan Hospice Bonaire. Aparte ku nan a yudami, mi tambe a perkurá pa duna algu bèk. Awor algun di e hulandesnan ku ta bishita Kas Flamboyan, por papia papiamentu. Mi a siña nan hopi palabra i nan ta komprondé i papia diferente kos na papiamentu,” yùfrou Yèt a konta. Yùfrou Yèt ta konosí den komunidat di Boneiru, kende a duna lès hopi aña na skol. El a menshoná ku el a duna diferente mucha lès, kende awe ta mener i yùfrou pa diferente skol, loke ta un satisfakshon pe.     

Share This

Current track

Title

Artist

error: Content is protected !!