KUES PA MUCHANAN DI SKOL TRAIMÈRDIA

KRALENDIJK – Awe tardi a tene un kues pa muchanan di skol di traimèrdia, relashoná ku selebrashon 30 aña di museo Boneiru. A inisiá e aktividat, unda diputado Nina den Heyer a dirigí palabra den presensia di tur mucha. “Ta importante pa nos ku stima Boneiru, ta na altura di loke nos welo i wela a hasi den pasado. Bon pa nos sa kon nan a biba ántes ku tabata totalmente un otro forma di bida, kompará ku awendia. E tempu aya mester a drei kada number un pa un riba telefon pa hasi yamada. Den un museo por topa e tipo di material ku ta indiká kon bida tabata ántes. Awendia ta habri kranchi i awa ta basha, otro kos, wasmashin ta laba paña i seka nan. Den pasado tabata kushiná riba konfó, i awor nos ta usa “microwave”,” tabata entre otro loke diputado den Heyer a menshoná.  
Despues a papia Sulaini Martes di SKAL, i el a splika e muchanan regla tokante kues promé a inisiá e programa. IzaÏm Mercera, Onni Emerenciana i Norwin “Nochi” Coffie tabata presente komo hurado pa e kues. Potrèt ta ilustrá e parti di inisio di e programa ku a tuma lugá na ofisina di A.B.V.O.

Share This
error: Content is protected !!