Kralendijk—Djabièrnè último diputado Nina den Heyer i diputado James Kroon a hasi Seferina “Sefe” Statie un bishita na kas den Stashi den kuadro di selebrashon 102 aña di Sefe.

Sefe manera ta yam’é, a kumpli 102 aña 25 di ougùstùs último. A selebrá fecha natal di Sefe, den seno familiar huntu ku amigu i bisiñanan mas yegá.

Sefe apesar di su edat grandi, ta un persona ku ta kòrda kos bon bon i ta kombersá masha ameno.

Komo un gesto di parti di Gobièrnu di Boneiru diputado den Heyer i diputado Kroon primeramente a felisitá Seferina i a regalá Sefe un makutu kargá ku produkto ku nos hende grandinan ta gusta hopi.

Sefe a keda mashá kontentu ku bishita di diputado den Heyer i a sintié sumamente honrá.

Share This
error: Content is protected !!