Kralendijk – Jodeska Cicilia sekretaria di Fundashon Prensès Wilhelmina Fonds huntu ku Nazario Alberto, ayera 2 di sèptèmber parti mainta, a bishitá gezaghebber di Boneiru Edison Rijna. Esaki pa gezaghebber hasi e promé donashon, i di e manera ei inisiá ofisialmente ku luna di sèptèmber, e luna di kolekshon pa fundashon Prensès Wilhelmina Fonds. Gezaghebber Rijna despues di a hasi donashon, a deseá e fundashon tur klase di éksito.

For di aña 2007, Nazario Alberto anualmente ta hasi un kaminata pa rekoudá fondo pa fundashon Wilhelmina. E aña aki riba e fecha 28 di sèptèmber tres or di atardi, Nazario ta sali for di bario Rincon i pasa den otro barionan di Boneiru i terminá riba “Plenchi Oranje” dilanti di El Mundo.

Riba “Plenchi Oranje” pueblo Boneriano por bin hasi donashon. Tambe ta posibel pa swaip karchi di banko, tur esaki pa un bon kousa.

Riba foto gezaghebber Rijna, e promé donashon pa e fundashon

Share This
error: Content is protected !!