FORMA a kuminsá e luna akí ku e estudio MBO Plantashon-1, Asistente di plantashon i preservashon di naturalesa. E estudio ta dirigí pa adultonan ku ta trahando den e área akí.

E estudio aki ta dura 1 aña eskolar, studiantenan ta bini skol 1 biaha pa siman, 4 òf 5 dia pa siman nan ta laborá na nan trabou den e area di plantashon. Speshal pa e estudio akí a desaroyá un método di lès. Aki a sali for di e punto di klima, suela di Bonaire i eksperensia di diferente hende ku hopi tempu ta traha den plantashon na Bonaire.

E tópikonan ku ta keda tratá ta: preparashon pa plantashon, manteshon di hardin, uso di suela, irigashon i kon pa trata kouteloso ku mata.  Tambe tin atenshon pa e uso di material, mantenshon di hèrmènt i mashin i kon pa traha sigur i responsabel. Lo tin atenshon speshal pa e palunan bunita di Bonaire i kon pa krea un hardinan i spar awa.

E estudio i e material di lès pa e estudio akí a wòrdu desaroyá den koperashon kusr. Jan Jaap van Almenkerk di Wayaká Advies Bv. Sr.Sherwin Pourier di Bonaire Agri & Aqua BusinessPourier ta e dosente ku lo duna e materia prinsipal di agrikultura. E lèsnan práktiko ta tuma lugá na Greenlabel Bonaire.

Tur ku ta interesá den e estudio i tin un trabou den e area akí, te ainda tin lugá, pasa FORMA pa inskribí.

Share This
error: Content is protected !!