KRALENDIJK—Ayera 5’or di atardi lider di frakshon di partido demokrat Clark Abraham a tene un enkuentro ku prensa unda a informá riba algun tópiko. Durante e atardi tabata sinta na mesa, Rolanda Hellburg – Makaai, Michael Pieters i e lider di partido kòrá.  

Abraham tabata e persona kende a papia e atardi i Pieters i Hellburg solamente a reakshoná riba loke Abraham tabata papia.

Abraham:”Komo frakshon nos ta bai informá ku regularidat. Awe nos ta papia riba algun punto entre otro di mínimo sosial, maneho finansiero di nos isla, funshonamentu di konseho insular, “Bestuursakkoord i poder di nos isla struktura demokrátiko. 
Loke mi ta bai trese na mesa awor ta algun di e kosnan ku nos ta bai hasi pregunta durante reunion di konseho insular aki ratu relashoná ku asuntu di mínimo sosial. Ta bai atendé esaki, sinembargo no tin kosnan konkreto pa atendé. Nos di frakshon di demokrat no a tende unda Boneiru ta para. Nos a tuma nota ku diputado a topa ku staatssecretarissen Van Ark, i nan a papia, sinembargo no a bisa kiko nan a papia. E diferensia di 400 dòler ta un diferensia inmenso. E plan di 1340 dòler pa luna a keda rechasá pa e miembronan di eilandsraad. 945 dòler ta loke nan ke pa e mínimo sosial ta? Pues awe nochi ta atendé esaki. E 945 dòler no ta aseptabel,” Clark a menshoná. El a sigui bisa:”1340 dòler ta loke ta bon pa e persona den nos komunidat por hiba un biba bon. Ta di lamentá kon e asuntu aki a kana. Tur kombersashon ku diputado a atendé ku Hulanda, no a atendé ku miembronan di konseho insular. Pueblo ta esun ku ta bai sufri di e kos aki.
Nos gobièrnu a entrega pa staatssecretarissen Van Ark, pa e disidí kuantu ta stipulá e mínimo sosial di 945 doler,”Abraham a menshoná. Asina el a repasá diferente punto mas relashoná ku asuntu di mínimo sosial.
Funshonamentu di konseho insular no ta funshoná manera  mester ta. No ta informá korektamente manera mester ta, el a bisa.

Rolanda Hellburg – Makaai a papia i el a bisa ku ta hopi importante pa trata esaki. 945 dòler pa un kas di famia, nan no por sobrebibí. Nos deseo ta pa  logra algu awe durante reunion di konseho insular,” el a komentá riba loke Clark a elaborá.   
Abraham a kontinuá tokante maneho finansiero. “Esaki ta dudoso kon ta atendé kuné. Kada bes ta presentá algu diferente. E asuntu di “touwboot” ta keda straño i nos ta bai buska mas informashon pa por trese un klaridat den esaki. Ta notabel ku no ta mira tur miembro di prensa, pa nan ta na altura kiko ta pasando momentu ku tin reunion públiko. Pues mi no sa si nan ta na altura di tur loke ta keda menshoná durante reunion. A trata 48 mion dòler den 45 minüt. Tabatin 7.5 mion pa usa den proyekto, sinembargo no a informá niun hende den esaki,” Abraham a menshoná.


Rolanda Hellburg a remarka i a bisa:”E gobièrnu aktual ta bisa e tin nos grandi nan na pechu. 7.5 mion tabata disponibel pa por a yuda entre otro nos grandinan, tampoko a inbertí den deporte. Si gobièrnu ta bisa nan ta kere den nos hóbennan, unda e yudansa a keda?,”Hellburg a puntra. 

Michael Pieters ta reakshoná:

TERENO TA KEDA BENDÉ PA 100.000 DÒLER, 17 MINÜT DESPUES TA BENDE  PA 130 MIL DÒLER

Michael Pieters ta reakshoná:”Nos ta para riba nos puntonan. Ta nos deber pa nos trese dilanti loke ta sosodé inkorekto durante reunion di konseho insular. Nos ta riba nos puntonan. A risibí un kantidat di dokumentu di formashon den pitu, i asina nos no por repasá tur kos pa por a duna un bon reakshon durante e reunion. E asuntu di tereno ta un káos. Nan no ta papia di programa di gobernashon. Otro kos ku ta sosodé tokante tereno, ta bende tereno i poko despues ta bolbe bende esaki. Nos tin prueba di e diferente kosnan inkorekto ku ta sosodé. Tereno ta keda bendé pa 100.000 dòler, 17 minüt despues ta bende pa 130 mil dòler. Esaki i mas,”Pieters a remarka. El a sigui bisa:”Frakshon di demokrat ta wak bienestar di pueblo. Nos no ta ferfelu, sinembargo skerpi pa nos komunidat. Nos por ta e mucha di mas malamucha den BC, sinembargo nos ta wak bienestar di e pueblo,”Pieters a menshoná.

Clark a sigui i a bisa:”Tin un lista di espera di tereno. Ta duna esun ku ya tin tereno mas tereno, i esun ku no tin, ta keda sin haña. Ora demokrat pidi informashon ta dura eternidat pa un kontesta. Despues ku nos bolbe pone preshon pa tende algu, ta bisa demokrat ta hasi ferfelu. Ta parse na Boneiru, kròm a bira règt i règt a bira kròm. Manera nos di partido reklamá loke nos tin derecho, nos ta tende ku nos ta ferfelu,”Abraham a menshoná. 

Hellburg a reakshoná i bisa ku nan tres ku ta sinta na mesa ta komuniká bon i semper ta bishita tur reunion di konseho insular. “No ta Clark so ta konsistí pa partido Demokrat. Nos tur ta Demokrat i huntu nos ta tuma desishon,”Hellburg a finalisá bisando.  

Despues a papia Pieters i el a bisa:”Demokrat tei pa pueblo di Boneriano. Nos tres ta traha huntu na bienestar di pueblo.”

Abraham a konta kiko ta sosodé den reunion konseho insular relashoná riba loke a sosodé resientemente ku a yega na diskushon. “Ta parse ku nos ta ferfelu, pasobra nos ke informashon durante reunion di konseho insular. Esun ku no gusta Clark “so be it”. Yamami kiko ku bo ke. Si no tin korem, no por habri reunion. 3 hende di 9 ku a firmá 3 ta presente, i ta Clark ta ferfelu, esaki no ta aseptabel,” el a finalisá ayera atardi bisando.

Share This
error: Content is protected !!