KRALENDIJK — Djadumingu promé di sèptèmber alrededor di 12.20 a mèldu na polis ku tabatin un aksidente riba Kaya Korona. E aksidente tabata entre dos outo di famia i un di e personanan sintá den un di e vehíkulonan a sufri leshon. Shofùr di un di e outonan, probablemente a bira malu tras di stür i esaki a okashoná e aksidente. Ku ambulans a hiba e shofùr hospital pa tratamentu médiko.

Den e anochi di 30 di ougùstùs a detené e hòmber di 25 aña di edat di inisialnan C.A.P. relashoná ku buracheria na lugá públiko i tambe pasobra e no a sigui òrdu di polis.

Riba e mes un dia banda di 3’or di atardi tabatin un aksidente ku herido riba Kaya Korona. Ta trata aki di un aksidente entre un outo i un skuter. E shofùr di e skuter a resultá heridá i a transport’é pa hospital pa tratamentu médiko.

E mes un fecha ariba menshoná, a detené e hòmber di 61 aña di edat di inisialnan J.V.F relashoná ku ladronisia i inkubrimentu.

Djasabra 31 di ougùstùs 2019 a detené un hòmber di inisialnan R.R.J relashoná ku buracheria na sitio públiko.

Durante siman tras di lomba e aspirantenan bou di guia di polis a kontrolá mas ku 300 vehíkulo durante di un kòntròl di tráfiko.

Durante di e kòntròl, a duna vários atvertensia pa falta di kumplimentu ku e reglanan nobo di tráfiko. Entrante promé di òktober ta kuminsá parti but pa tipo di infrakshonnan manera menshoná.

Kuerpo Polisial Hulanda Hulanda Karibense a tuma nota ku hopi shofùr no ta usa “richtingaanwijzer” (indikadó di direkshon) . Segun lei mester kumpli ku e regla. E ta obligatorio. KPCN ta bolbe rekordá tur usuario riba e regla aki.

Share This
error: Content is protected !!