Kralendijk –Dentro di poko Boneiru tin informashon tokante e lei di tráfiko nobo riba bòrchinan ‘LED’. Primiendo un kònòpi gezaghebber Edison Rijna a perkurá pa tur hende por lesa e informashon. Riba e bòrchinan por lesa teksto kòrtiku na ingles, hulandes, papiamentu i spañó. Desde 1 di ougùstùs e ordenansa nobo di tráfiko riba kaminda ta na vigor na Boneiru. Te dia 1 di òktober siudadanonan no ta haña but si  no kumpli ku kuater di e reglanan nobo. Ta trata por ehèmpel di e prohibishon pa tene un telefòn selular den man momentu ku ta kore  outo. Meskos ku den e lei bieu, den esun nobo ta prohibí pa kore outo bou di influensia di alkohòl. Ku e lei nobo polis por kontrolá mas fásil si un hende den tráfiko a bebe hopi alkohòl. Riba e potrèt por mira di robes pa drechi: Raynel Cecilia, gezaghebber Edison Rijna i Gerald Ellis.

Share This
error: Content is protected !!