KRALENDIJK –Djabièrnè 6 di sèptèmber, Dia di Boneiru, Fundashon Antriol Avanti a organisá un aktividat. E aktividat a tuma lugá na Plasa Fransisco “Chiku” Goeloe. E enkuentro tabata relashoná ku e persona di bario di Antriol ku a risibí honor riba dia di Boneiru. Ta invitá esnan ku a haña rekonosementu for di añanan anterior, huntu ku famia pa asina sinta huntu kome i bebe algu, i interkambiá riba diferente idea. E aña aki tabata Lucrecia “Lupe” Martis i Marcelo Werleman, kendenan a haña rekonosementu di parti di gobièrnu di Boneiru. Ámbos ta di bario Antriol. Mary Tjin Asjoe a repasá tur loke Lupe a hasi di pasado te awor. Lupe tambe a papia i a menshoná entre otro ku e ta gradisí esnan ku a skohe e, pa risibí rekonosementu, i gobièrnu ku a aseptá.    
Lupe a elaborá riba loke e ta hasi spesialmente pa bario Antriol, i a hasi un pregunta, algu pa pensa riba dje. El a puntra si bario Antriol por haña su mes bandera?” El a finalisá bisando: ”Awor ta momentu pa tur hende pensa ariba, i si e kontesta ta sí, hasié realidat, Lupe a finalisá bisando.

Share This
error: Content is protected !!