KRALENDIJK –Desepshon grandi serka koredónan di Garoshi, relashoná ku e aktividat di djasabra último ku no a kontinuá. Djasabra 7 di sèptèmber tabata e fecha unda “Burnout Speed Foundation”, enkabesá pa David Lauffer mester a organisá un kareda di garoshi, i esaki no a tuma lugá pa motibu ku e parti di seguridat no tabata korekto. Informashon no ofisial ta indiká ku tabatin solamente dos kareda di tayer i mester a yega tres tayer riba otro, i pa motibunan di seguridat outoridatnan a kanselá e aktividat. Un grabashon ku David Lauffer a papia riba media sosial, el a menshoná ku polis a para e kareda momentu ku nan a tuma nota ku ora ta pasando i no a alkansá pa pone tres tayer riba otro pa garantisá e kareda di garoshi. Tambe el a menshoná ku por a dun’é poko mas tempu, pa el a logra pone tur kos na òrdu, sinembargo no a dun’é chèns. El a menshoná ku nunka mas e organisashon di “Burnout Speed Foundation” ta organisá algu manera e kareda di garoshi. Un reportero di Radio Live99.9FM tabata na e sitio i a tende di koredónan ku polis a menshoná ku nan no a stòp e organisadónan ku tabatin pèrmit pa organisá e aktividat. Ta e organisadónan mes a tuma e disishon pa no kontinuá, loke por a skucha di algun koredó, parti atardi na subí di karpata, e sitio kaminda mester a organisá e kareda di garoshi.

Share This
error: Content is protected !!