KRALENDIJK – Durante selebrashon Dia Di Boneiru den sentro di suidat, un grupo di persona a sorprendé esnan presente. Ta trata di un grupo di persona ku a presentá e kantika “We Are The World”, awor na papiamentu i diferente letra for di e kantika original. Despues di e aktividat, e parti protokolar, selebrashon Dia Di Boneiru, hopi tabata komentá kon bon e kantika tabata interpretá. Tur 7 persona a kanta na e momentu perfekto durante e kantika. E kantika ya ta tremendo, i e grupo kantando na idioma papiamentu, a hasié impreshonante. Kombinashon di potrèt ta ilustrá momentu ku e grupo a presentá na Playa i den bario Nort di Saliña, durante selebrashon Dia Di Boneiru e parti kultural, kaminda nan a bolbe impreshoná. Por tuma nota di letra di e kantika i ken ta kanta.
*GERALD ALBERTO* Un isla chiki,rondoná di awa blou
Ta deslumbra manera un kristal
*ROLY CASIMIRI*;pa dun’un man na esnan desampará
*AIMEE JANGA*;Hende nan humilde i semper kla pará
*BETO MARTIS*;Un isla chiki,rond mundu rekonose,
Ku’un komunidat sèmper apresia
*SHERMANTHA FRANS*:Hendenan amabel i humilde di kurason
*JULINA FELIDA*:Ta hasi nos uniko den un miyon.
Refr:
*MARESA PIETER*:Nos ta boneiru, Nos ta un isla
Ku diferente nashonalidat,ku ta balora
*GERALD*;Nos herensia nan i nos baluarte nan
*AIMEE*.I’yuda kultivá e union man
é ruman.
*JULINA*.Ban lanta awor, i demostra nos hermandat
*ROLY*:Ban traspasa nos saber na mundu henter.
*SHERMANTA*;Ta basta ku djis sinta i sin juda aportá
*JULINA*.Ban dun’un man na nos gobernantenan.
Refr: *TUR*
Nos ta boneiru, Nos ta un isla
Ku diferente nashonalidat,ku ta balora
Nos herensia nan i baluarte nan
I yuda kultivá e union mané ruman
*BETO* .si nos uni huntu manera un ruman
*GERALD*;I nos konstruí nos isla anhelá
*AIMEE*.Nos lo por disfruta
*JULINA*.di un Boneiru mas mihó
*MARESA*;ku bendishon i amor di nos Señor.
Refr: *TUR*
Nos ta boneiru, Nos ta un isla
Ku diferente nashonalidat,ku ta balora
Nos herensia nan i baluarte nan
I yuda kultivá e union mané ruman
Refren 4x yená ku pregon i solfeo…..
