KRALENDIJK – Djaweps 5 di sèptèmber ultimo a entrega e Hyundai Atos 2020 na Ingmar Da Costa Gomez, ganado di e KAMPAÑA di RADIO LIVE 99.9 FM,  huntu ku 12 “Branding partner”. Huntu nan a hasi posibel pa pone un outo disponibel pa un persona gana. Da Costa Gomez representá pa Akkermans Auto Suplies tabata e persona kende a start i gana e outo, durante selebrashon di 4 aniversario di Radio Live99.9FM den kura di J.C. Herrera, algun dia pasa.

Den un ambiente ameno dilanti di Akkermans Auto Suplies, tur presente a kombersá i bebe algu bon friu i saboriá kos di kome. Miéntras esnan invitá tabata gosa e atardi, a kontinuá ku entrega di yabi di e vehíkulo ofisialmente. Aaron Martis a entrega Marichelle Bosnie di Radio Live99.9FM e yabi di e outo, i Bosnie na su turno a entrega Ingmar Da Costa Gomez yabi di e outo nobo kla pa subi kaya. Ta trata di un Hyundai ATOS 2020 kolo shinishi. Despues Aaron Martis a dirigí algun palabra i a menshoná huntu ku Aimed Ayubi di Radio Live99.9FM, ku 2020 dia 5 di sèptèmber ta saka ganadó di un Hyundai Creta 2021 kolo pretu ful ekipá. Aimed Ayubi ta gradisí pueblo di Boneiru pa e sosten i ta kontinuá ku e trabou pa informá i regalá komunidat un outo nobo un bes pa aña. Ingmar na su turno a konta ku ta simplemente 2 bòn el a yena i a gana e outo. El a gradisí Radio Live99 i Akkermans Auto Suplies pa e tremendo regalo. El a yama danki tambe na tur ku a kontribuí pa hasi e kampaña posibel.

Share This
error: Content is protected !!