Kralendijk – Maduro & Curiel’s Bank ta pidi diskulpa pa e interupshon den servisio djasabra último entre 3’or i 7’or di anochi. Durante e orario tur sistema di pago, Bankomátiko i Online Banking di MCB a kai afó. E tim di IT mesora a traha riba e problema i tur servisio a keda restorá pa mas o ménos 7’or di anochi.

MCB ta pidi su diskulpa pa e inkumbiniensia i konsternashon ku esaki a kousa. E tim di IT a sigui traha pa por a determiná kousa di e interupshon di e servisio, pa evitá ku esaki ta ripití.

A resultá ku un eror a surgi durante mantenshon regular di nos ret, ku a resultá ku nos servisio di ATM, POS i Online Banking a kai afó. Pa por a restorá e servisionan, un kantidat di proseso tékniko mester a tuma lugá pa garantisá re-establesimentu adekuá di nos servisio pa kliente. Esei a tuma lugá instantáneamente i a resolvé e problema  djasabra  7’or djanochi.

Un biaha mas nos ta pidi nos diskulpa pa loke a sosodé, sinembargo nos ta kontentu ku e problema ta resolvé pa nos sigui brinda nos klientenan e servisio ku boso a kustumbrá kuné.

Gerensia di MCB

Share This
error: Content is protected !!