KRALENDIJK – Suidadano Richard “Cha” Pietersz a manda un karta prensa i ta ekspresá nada mas ku e bèrdat. “Tur organisashon  polítiko ta konfundí é pueblo. Durante kampaña polítiko  a hinka hopi plaka den  kampaña pa bira mas viktorioso i popular, un mas ku otro. A hasi hopi kampaña polítiko, kantidat di propaganda pa tur organisashon polítiko paga. Unda a saka tantu plaka asina, mi persona no por bisa. Kuantu plaka a bai den a den kampaña polítiko, organisashon polítiko nan no ke publiká. Kuantu plaka a hinka den kampaña polítiko, eventualmente no ke publiká di unda e plaka a bini pa kampaña. Hopi Bandera di tur  kolo di organisashon polítiko. Hopi sede di organisashon polítiko, sede tabata dòrná ku Bandera. Kas di lidernan  dòrná ku Bandera di nan organisashon. Outonan dòrná ku Bandera di nan organisashon. Tristu pa bo mes mira kon nos polítiko ta konfundí i manipulá trese desunion den pueblo pa falta di interes personal. Despues di kampaña polítiko no a bini niun organisashon polítiko pa bini ku un meta kiko ta bai hasi pa é pueblo i su Bandera Nashonal. Tristu pa mira kon ta manipulá ku sentimentu di ser humano, momentu di kampaña polítiko, despues di elekshon pueblo por bien bai flit, bai flit. Kuantu kas di lider nan eventualmente sede di e organisashon  polítiko a hisa Bandera dia di Boneiru? Despues di kampaña polítiko pueblo por bai flit, bai flit. Asina polítiko nan ta sembrando mas odio divishon den organisashonnan kristian. Pa mi nan ta mas  Diabóliko kristian punto, sentimentu sin miedu, “Pietersz ta finalisá su karta bisando.

Share This
error: Content is protected !!