KRALENDIJK– Djabièrnè siman pasa durante selebrashon ofisial protokolar “Dia Di Boneiru”, Edson Fittipaldi Minchelangelo Pietersz a risibí rekonosementu pa su partisipashon den Dragrace. E Plaka di mérito di parti di gobièrnu di Boneiru ta relashoná ku Fittipaldi su logronan den eksterior ku motosaikel.

Fittipaldi a skirbi algu relashoná ku e rekonosementu.

“Danki, mi ta apresiá masha e rekonosementu. Ta importante pa komunidat di Boneiru ta na altura kiko mi ta hasi, mas importante esnan den eksterior tende di Boneiru. Dragrace loke mi ta hasi, mi no por praktik’é kompará ku otro deportistanan, kende ta sobresalí den eksterior, i por praktiká loke nan ta hasi. Ami a skohe pa drèk; i manera ta bisa na hulandes, “Zoek het maar uit”, kon bo ta praktik’é, Pietersz ta bisa. E ta sigui konta:”Ku hopi esfuerso mi ta logra saka kara di Boneiru.

Promé bia ku mi a partisipá i drenta e mundu di dragrace tabata 1997 na Aruba. 2 luna despues mi a bai Kòrsou i sali kampion, kontinuá pa hopi aña eksitoso. Awor ya 6 aña kompetiendo na Merka, saliendo na di 2 lugá i  algun logro mas. Tur kaminda ku mi kompetí mi ta papia ku hende, konta nan di Boneiru i konvensé nan pa bishita e isla.”Fittipaldi ta menshoná. “Danki na mi spònser NAPA, esun ku a yudami for di prinsipio, tambe Don Andres. Nan tambe a kontribuí, pa awe mi ta eksitoso pa Boneiru. E rekonosementu di awe sigur ta un estímulo pa kontinuashon.

Diputado James Kroon hopi danki pa kontribuí pa mayoria kos relashoná ku deporte di Boneiru. For di prinsipio ku mi a praktiká dragrace mi no a spera yudansa. Sigur nan ta mas ku bonbiní, sinembargo ami a skohe pe i tin ku karg’é, i no gobièrnu. Gobièrnu por yuda, sinembargo nos mester duna di nos mes. Di e forma aki semper mi a hasié, i ora bo ta hasi esfuerso pa logra kualke kos, e yudansa ta yega.”

Fittipaldi ta finalisá bisando:”

No tur bia ku mi partisipá mi ta eksitoso, sinembargo ‘Lionel Messi’ mes ta hera bala keda sin hinka gol. Felis dia di Boneiru. Mi stima boso tur.” 

AKI TA SIGUI GRAN PARTI DI FITTIPALDI SU LOGRONAN.

Fittipaldi a kuminsá drèk ku 22 aña di edat.

Promé Boneriano ku a partisipá den dragrace i sali kampion, ku masha poko eksperensia. Ku su di 2 partisipashon na drèg na Kòrsou.

Tur e promé 5 añanan partisipando na drèg koriendo kontra Aruba, Boneiru i Kòrsou saliendo kampion.

Premionan:

  • 1997: Kampion Sportmanbike na Rondeklip Kòrsou.
  • 1998: Kampion Sportmanbike na Rondeklip Kòrsou.
  • Aprel 1999: Kampion Sportmanbike na Rondeklip Kòrsou.
  • Òktober 1999: 3rd place Sportmanbike na Rondeklip Kòrsou.
  • 2000: Kampion Super Street na Rondeklip Kòrsou.
  • 2001: Kampion Sportmanbike na Rondeklip Kòrsou.
  • 2003: Kampion Super Gas i Supkampion Sportmanbike na Palo Marga Aruba.
  • 2004: Kampion Sportmanbike na Rondeklip Kòrsou.
  • 2007: Kampion Curaçao Super Street i Supkampion Quick 32 bike na Rondeklip Kòrsou.
  • 2009: Supkampion Quick 32 bike na Rondeklip Kòrsou.
  • 2014: 3rd place Street ET na Valdosta, Georgia.
  • 2015: Best Qualifier Street Fighter na Valdosta, Georgia.
  • 2018: Supkampion Street ET i Best Qualifier Street Fighter na Valdosta, Georgia.
  • 2019: Subkampion Street ET i Best Qualifier Street Fighter na Valdosta, Georgia.



    Logronan:
  • Aprel 2000: Promé kampion di Milenio nobo.
  • Promé kampion di e kategoria Curaçao Super Street ku nan a introdusí na Kòrsou.
  • Promé koredó Boneriano ku a kore den 9 sekònde ku su motosaikel.
  • Promé Boneriano ku a kore den 8 sekònde ku su motosaikel.
  • Promé Boneriano kende a partisipá na drèg na Merka.
  • Promé Boneriano klasifiká komo # 1 den un kategoria na Merka.
  • Promé Boneriano ku a sali na di # 3 lugá na drèg na Merka.
  • Promé Boneriano ku a kompetí ku 2 motosaikel den dragrace un na Kòrsou i e otro na Merka.
  • Desèmber 2009: A partisipá den un kareda organisá pa Jenny ‘Fever’ Martis ku motosaikel di un amigu, Maikel ‘Pochi’ Silberie i a keda na di 3 lugá.
  • 2012: Promé Boneriano ku a kompetí na dragrace na Merka.
  • 2014: Promé Boneriano ku a yega te na di tres lugá na Merka den dragrace.
  • 2015: Promé Boneriano ku a klasifiká number un den dragrace na Merka den e kategoria di Street Fighter.
  • Aprel 2017: ku mi Hayabusa 1300cc pa promé bes i a keda na di 5 lugá den Street ET na Valdosta, Georgia.
  • Yüli 2017: enkonekshon ku selebrashon 20 aña partisipando den dragrace mi a partisipá na Kòrsou ku Big Daddy i a keda na di 6 lugá.
Share This
error: Content is protected !!