KRALENDIJK — Radio Live 99.9 FM awe mainta a risibí yamada di Tim Nesselrodt, direktor di Boto Blanku Marine Servives. E direktor a konta ku awe mardugá un òf mas persona a hasi intento pa drenta den e negoshi. “Nos a sali ayera tardi i tur kos tabata bon. Tin un glas pa hende por tuma nota kiko nos tin pa ofresé den e tienda. E glas ta super fuerte loke ta notabel ku antisosialnan a intentá pa kibr’é, i no a logra nan meta pa drenta e negoshi,”Nesselrodt a konta. El a menshoná ku e ta kontentu ku presensia di polis pa tuma nota di e situashon, pasobra no ta tur bia nan ta duna atenshon, e direktor di Boto Blanku Marine Services a konta Radio Live 99.9FM. Riba potrèt kon a destruí glas di e porta ku intenshon pa drenta i hòrta den e negoshi.

Share This
error: Content is protected !!