MOTORNAN NOBO OPERASHONAL NA E SENTRAL DI ENERGIA NA KARPATA.

0 Comment


Kralendijk 13 di sèptèmber 2019: ContourGlobal i WEB Bonaire N.V. ta felis di anunsiá ku a start e mashin nobonan diesel na e planta di bientu – diesel na Karpata. Algun luna pasa , ContourGlobal a duna inisio na e ekspanshon di nan planta di energia ku sinku motor nobo. E siman aki despues di tèstnan ekstenso di e tres machinan diesel nobo. E trabounan a wòrdu finalisá i e tres mashinnan nobo ku ta operá riba HFO ku un kapasidat operashonal di 6 MW ta kla pa wòrdu di start. Kada motor ta den un kònteiner di aproksimadamente 40pia i protehá di influensianan di medio ambiente. Despues di kulminashon di e tèstnan i e finalisashon di e proyekto, e planta di energia di kombustibel fosil i energia di bientu na karpata lo por proporshoná un suministro supstansial di energia dor di un kombinashon di machinan diesel ( 22MW), mulina nan di bientu ( 11MW) i bateria (6MW), manehá pa un sistema elektróniko sofistiká. Despues ku start e mashinnan di diesel nobo na Karpata, WEB lo desmontá e planta di energia temporal na Hato. E instalashon aki a proporshoná WEB N.V ku energia temporal durante e último 3 añanan . E logro pa atkerí e sinku mashinnan nobo pa e planta di energia ta e resultado di esfuersonan kontinuo di ContourGlobal i WEB Bonaire N.V pa konhuntamente por suministrá elektrisidat di un manera duradero, konfiabel i pagabel pa Boneiru i su ekonomia. Den kuadro di e aktividat nan pa start e mashinnan nobo, a tuma tur prekoushon pa kumpli ku e demanda normal i esun máksimo di konsumo di elektrisidat durante di e tèst nan. Klientenan lo no mester eksperensia ningun interupshon den e servisio di suministro di koriente durante e proseso aki. Sin embargo, si e suministro di energia wòrdu interumpí inesperadamente pa motibu di e tèstnan nos ta pidi nos diskulpa di antemano pa e inkombeniensia ku esaki por trese.

Share This