PIA DI TREILER PA KÒNTEINER TA SAK DEN TERA DILANTI STADION DI PLAYA

0 Comment


KRALENDIJK – Ayera tardi pia di un trailer ku ta karga kònteiner a sak den tera. Esaki a sosodé dilanti di Stadion di Playa, kaminda e kompania Don Andres ta stashoná gran parti di kònteinernan. Gerente di e kompania a konta ku e problema di awe ta relashoná ku 2 situashon. 1, no por pone kònteiner pega ku waf i di 2, na ofisina tampoko no por hiba kònteiner mas. Esaki ta pa motibu di un asera resientemente konstruí dilanti di ofisina di Don Andres, i e ta stroba salida di e trèker i e treiler ku kònteiner. Pa e motibu aki ta pone nan dilanti di Stadion, sinembargo e sitio no ta adekuá. Loke a sosodé awe ta duna un bista kla. Nos a splika na diferente momentu, sinembargo no ta duna atenshon, gerente di Don Andres a menshoná na e sitio di e insidente. Momentu ku un reportero di radio Live 99.9 FM a presentá na e sitio, tabatin presensia di inspektor di gobièrnu pa tuma nota di e situashon. Trahadónan di Don Andres a kuminsá hasi tur esfuerso, lagando otro tarea un banda, pa purba saka e pia di e treiler for di den tera, loke no a bai fásil.

Share This