KRALENDIJK — Awe mainta algu promé ku 12’or di mèrdia un persona a pèrdè kontròl ku outo i dal den un palu di lus. Esaki a sosodé riba kaya Internashonal, pegá ku kazèrne di brantwer. Ambulans a presentá na e sitio i algun agente polisial pa atendé e aksidente. Un persona tabata manehá e vehíkulo i e persona a sali ileso for di e aksidente. Personal di ambulans a saminá e shofùr na e sitio di aksidente i a lag’é liber ku e ta stabil. Daño material di e vehíkulo ta konsiderabel i e palu di lus a keda di banda.

Share This
error: Content is protected !!