KRALENDIJK – Relashoná ku dia di Prensa, RCN su tim di komunikashon pa di 10 biaha a organisá un dia spesial pa miembronan di Prensa. E aktividat a tuma lugá djabièrnè 13 di sèptèmber. A inisiá e programa na ‘Te Amo Beach’, i despues a bai e ofisina renobá di SSO di RCN. Un presiosidat di edifisio, unda ántes tabata APNA.  
Na e ofisina a presentá fiskal mayo Bote ter Steege, Roderick Gouverneur kende ta bosero di OM BES i gezaghèber Edison Rijna. Nan tres a elaborá riba algun punto importante pa Prensa i pa komunidat ta na altura. Bote ter Steege a menshoná entre otro ku hopi bes polis ta informá riba sierto kaso i Prensa ta manda puntra pa mas informashon. “Momentu ku algu sosodé, Polis i OM ta informá Prensa ku inisial i algu di loke a sosodé. No ta duna tur informashon. Esaki pa motibu di e investigashon,” entre otro Ter Steege a menshoná. “Den un kaso lamentabel, solamente por duna inisial di e persona ku a fayesé. Si den Prensa òf riba media sosial tin mas informashon, esei ta responsabilidat di e persona ku a publik’é i no polis òf OM,” fiskal mayó Ter Steege a bisa. Riba nan ‘website’ por haña mas informashon relashoná ku e tópiko. Gezaghèber Rijna a papia i a menshoná ku miembro nan di Prensa tin un tarea serio, responsabel i tin bes difísil. Prensa ta e di 4 poder den un komunidat. “No mester skirbi algu dimi sin buska drechi. Ta fásil pa miembronan di Prensa komuniká kumi pa medio di telefon. Semper buska tur 2 banda di medaya. Boso ta mi amigu i nos ta traha den bon harmonia,”gezaghèber Rijna a bisa. Representante di Reino interino Jan Helmond i gezaghèber Rijna a yama Prensa danki pa nan ròl importante den komunidat. Último palabra tabata:”Awe mi ta bebe serbes i mi outo ta stashoná na kas,”gezaghèber a finalisá bisando.
Despues e grupo di miembro di Prensa a hasi un paseo den e edifisio super moderno di RCN i a kontinuá ku un spùrtòg na parti sùit di nos isla i a finalisá na ‘Te Amo Beach’ ku un sukulento barbekiú, prepará bou di guia di e maestro Isidoor van Riemsdijk.


Op 13 september is voor de 10de keer de Dag van de Pers georganiseerd. Tijdens deze dag zet de Rijksdienst en het Openbaar Lichaam de pers in het zonnetje om onze waardering te tonen en de relatie te versterken. Dit keer bestond de dag uit een presentatie van hoofdofficier van justitie Bote ter Stege en een speurtocht rond de zuidkant van Bonaire. De deelnemers streden in groepsverband tegen elkaar in een quiz, waarin ze getoetst werden op algemene kennis over Bonaire. De afsluiter bestond uit een barbecue en borrel waarbij de waarnemend Rijksvertegenwoordiger Jan Helmond en gezaghebber Edison Rijna in hun speech de pers bedankte voor hun belangrijke rol in de samenleving.


The Day of the Press was organized for the 10th time on September 13th. During this day, the central government service (RCN) and the Public Entity put the press in the spotlight to show our appreciation and to strengthen the relationship. This time the day consisted of a presentation by chief prosecutor Bote ter Stege and a treasure hunt around the south side of Bonaire. The participants competed in a group against each other in a quiz, in which they were tested on general knowledge about Bonaire. The closing session was a barbecue and a drink in which the acting Kingdom Representative Jan Helmond and Island Governor Edison Rijna thanked the press for their important role in society.

Share This
error: Content is protected !!