Den e kaso di mal uso eksesivo di poder polisial, e aresto i detenshon ilegal di James Finies, presidente di Fundashon Nos Kier Boneiru Bèk i aktivista di derechonan humano, riba 6 di sèptèmber, dia di Boneiru a bira un deskushon regional i internashonal. Den korant Extra a sali un artikulo riba ‘frontpage’; unda privasidat ta keda? Insinuando ku ta usa pòtrèt di mama di James Finies hospitalisa i Extra ta bai den detaye riba loke tabata den medionan sosial riba facebook I ta relata ampliamente ku basta insinuanshon i ku ta étiko pa usa òf mal usa pòtrèt di un persona, aparentemente den un situashon ku e mes no a skohe pa ta den, esta di problema ku salú, pa logra un meta ku no ta mucho kla tampoko. Mas aleu ta sigui insinuá ku no por saka I usa pòtrèt di hende sin mas i no mag di publika pòtrèt di un persona sin ku e la duna pèrmit pa hasi esei.

Arlene Finies ruman muhé i Broertje Finies tata di James Finies di Fubdashon Nos Ke Boneiru Bèk ta deklará lo siguiente komo reakshon riba un artikulo no-profeshonal i repugnante kaminda ku entre otro ta asumi ku ta ku pèrmit di ken a pone pòtrèt di nos mama riba Facebook. E artikulo ku a sali den Extra riba djarason 11 di sèptèmber último riba ‘frontpage’ “unda privasidat a keda?” nos ta haña ku no mester kue pòtrèt for di nos Facebook personal i poné den korant. Nos tata Broertje Finies ke sa ta ku pèrmit di ken Extra si a pone pòtrèt di su kasá ku ta mama di James Finies den korant i ku ta pa publisidat òf ta pa bende korant?

Ku esaki nos kier trese un aklarashon dikon nos a jega pa pone e pòtrèt di nos mama riba facebook:

Normalmente mi no sa  atende den asuntonan di politika ni religion. Politika ta algu sushi riba e isla aki, pasobra tur ta buska pa nan banda ta bon I ta kontra otro. Ta asina ku ora ku James a kaba sali for di detenshon ilegal, polis a pidi na e grupo pa por pone algu pa motibu di menasanan ku tabata drentando kontra e agentenan polisial. Pa bisa ku polis a hasi su trabou. I na e momentu ey mi tata a pidimi porfabor pa pone algu, paso nan a roga pa nos skibi algu. Mi a bisa mi tata ku ta bon, mi ta hasie, I mi a skibi: “ku famia ta pidi pa no menasa e polisnan, pasobra nan a aktua segun nan hefenan a manda nan”. Na e momento ey e kos a bai riba facebook i mesora a kuminsa drenta diferente komentario. A drenta komentarionan di esnan ku agenda politiko I ta kontra James ku a pone mi, pa mi bisa ‘eerlijk’ rabia. E ora ey mi a disidí di pone e pòtrèt ku mi a saka pa mi tanta na Hulanda, pasobra mi mama no ke a bai hospital ku tur e doló ku e tabatin tin. Mi ke a mustra ku lokual ku nan a hasi, a kousa ku mi mama a hera muri. Si bo no sa kiko ta un doló ku un mama ta sufri pa motibu di detenshon ilegal di su yu ku na momento ku e ta lanta for di soño mainta, e prome kos ku e ta skucha for di televishon ta ku nan a detene ilegalmente su yu. Si bo ta un persona ku no konosé mi mama, e ora ey bo no sa kon e la bira. Na e momento ey mi a disidi di pone e pòtrèt ey. Mi no a kuestioná niun hende I ku niun hende no a hasi nada robes. Awo ta publiká den korant i ta bisa ku mi mama ta hende inosente, i ku ke sa ku ken su pèrmit. Ami no sa hasi nada si mi no papia ku mi mama i mi tata, te na grandi ku mi ta aki. E ora ey mi di mihó mi duna un aklarashon, di kon kosnan a bai. Na e momentu ey ami a disidi di pone pòtrèt di nos mama riba facebook. Si nan ke usé na un otro manera awor aki, Dios tey ribanan pa husganan. Ken ku ke buska pa hasi daño, Dios tey riba nan, I no lubida ku e no ta drumi. Ami no sa rabia normalmente pero e kos aki tin mi fadá, e sistema ku kosnan ta bayendo riba e lugá aki. Normalmente mi ta un hende masha trankil, mi ta atende ku tur hende ku mesun kara, mi tin rèspèt pa tur hende, asina mi mayornan a lanta mi ku ne, pero no laga mi pèrdè rèspèt ku es ku ke hasi nos famia daño.

“James Finies tin un Mama, un Tata i 3 Ruman, 2 yui y tanta y tionan y subrino y subrinanan ku ta para su tras” ….

Together We Are Strong

Share This
error: Content is protected !!