Ofesina di Turismo ta bai organisá otro ‘Taste of Bonaire’.

E evento lo bai tuma luga dia 28 di sèptèmber den Parke Wilhelmina for di 6 or di atardi pa 10 or di anochi den un tremendo ambiente ku e tema Turismo, relashoná ku siman di turismo.

E programa lo bai ta kargá ku músika, talento i lo bai tin stèntnan ku ta bende kuminda lokal i internashonal na un bon preis. Steel band Silver Bullet lo bai ta presente pa animá e anochi aki. Pa duna e ‘Taste of Bonaire’ un toke mas atraktivo, lo bai tin un tremendo show di Dance Sensation, Brèsbènt Casa d’ Musica, Raffles di KLM selebrando nan 100 aña i hopi mas.

TCB ta ekstendé un invitashon na pueblo di Boneiru i na tur bishitante pa bin pasa un ratu ameno huntu ku nos djasabra 28 di sèptèmber 2019 den Parke Wilhelmina.

TCB ke rekordá ku e siguiente ‘Taste of Bonaire’ lo ta dia 2 di novèmber ku e tema ‘Healthy’ i dia 21 di desèmber lo tin e ‘Christmas Shopping Night’.

Pa mas informashon por tuma kontakto ku Ofesina di Turismo na telefon 717-8322 òf mail Sr. Angelo Domacassé na angelodomacasse@tourismbonaire.com

Share This
error: Content is protected !!