KRALENDIJK – Resientemente a keda publiká den korant ‘Amigoe’ ku gobièrnu di Boneiru a hür 2 periodista pa fortifiká e departamentu di informashon pa komunidat. Gobièrnu di Boneiru a bai di akuerdo ku direktor Mario Gherbaz di “Bedrijf voering en ondersteuning” pa fortifiká e parti di komunikashon di “Openbare Lichaam Bonaire” (OLB) pa medio di Gherbaz, debí na falta di empleado. E direktor di B&O komienso di 2019 a kuminsá un proseso pa yega na periodista, mirando ku no tin boneriano ku por okupá e funshon loke por a komprondé. Gobièrnu di Boneiru a skohe pa René Zwart i Harald Linkels pasombra den pasado nan tin bon eksperensia ku e periodistanan. E palabrashon di trabou ta pa un durashon di 4 luna mara na 24 mil dòler. E gastu di e periodistanan ta for di kuenta di gabinete di gezaghebber i gobièrnu di Boneiru. Ámbos periodista ta bon eksperensia i ta gana mas o ménos 80 dòler pa ora, loke nan ta produsí pa gobièrnu. Na tarea ta pa distribuí informashon pa komunidat, pa medionan di prensa skirbi i digital. Ta bon pa menshoná, tantu Linkels komo Zwart ta liga ku otro website di informashon. Esaki ta nifiká ku e chèns ta grandi ku Zwart ta pone informashon riba Koninkrijksrelatie.nu, promé informá otro medionan di prensa. Meskos ta konta pa Linkels. E tipo di kosnan aki ya a sosodé den pasado.

Share This
error: Content is protected !!