KRALENDIJK – Un suidadano ku doló na kurason a aserka Radio Live 99.9 FM relashoná ku un situashon di un mucha di 2 aña. Tanta di e mucha a konta ku ZVK a nenga pa laga e yu haña un di 2 opinion di dòkter. “Maira Molina a konta ku e ta tanta di e mucha, ku 2 aña pasá a operá. “ Nan a bai ópera na Kòrsou i e situashon no ta bon. E mucha ta sangra for di nanishi, i for di orea e ta saka pus. No a haña aprobashon pa e mucha hasi un kontròl den eksterior pa asina determiná kiko ta pasando,” Maira tanta di e mucha chikitu a konta. “Dòkter di seguro ta bisa ku no mester manda e mucha afó pa un segundo opinion. A menshoná ku e mucha ta troumatisa i no tin niun problema. E famia a bai ku e yu Repúblika Dominikana, aya nan a deskubrí ku e operashon ku a hasi pa e mucha no a bai korekto. Na mes momentu awor si ZVK a informá ku e mucha por bai Kòrsou òf Aruba pa un segundo opinion. Pues awor e mucha ta bou di tratamentu na Repúblika Dominikana i ZVK ya a menshoná ku ta bai evaluá si ta kubri sierto parti di e gastunan, e tanta di e mucha a konta. El a sigui bisa:”Dikon no ke a yuda e yu  promé?  Dòkter a faya i awor no ta trata pa yuda e mucha? Nos no ta aseptá e asuntu i ta sigui lucha ku e situashon pa skapa bida di e mucha. Loke a sosodé por poko e mucha a fayesé e temporada ku a pasa, ”Maira tanta di e mucha a konta. Javielis Molina ta nòmber di e mucha. ZVK i dòkter di mucha a nenga pa aseptá pa e mucha haña un di 2 opinion. E famia a bisa no ta laga e kaso te aki.

Share This
error: Content is protected !!