Kralendijk (17 di  sèptèmber 2019) – Ofisina di turismo (TCB) ke rekordá tokante kompetensha di pintura pa hóbennan di grupo 3 te ku 8 di skolnan básiko. E tema ta: ‘Turismo di Boneiru’.  TCB ta deseá pa motivá e hóbennan pa usa nan kreatividat pa krea un pintura ku ta relatá na e tema menshoná.  

Último dia pa entrega e pintura pa por partisipá ta 23 di sèptèmber 2019, TCB ta pasa buska e pinturanan na e diferente skolnan. Tambe por buska formulario di partisipashon na ofisina di turismo i entrega esaki dia 23 di sèptèmber.

E premionan ta parti den tres kategoria basa riba e siguiente gruponan 3 ku 4, 5 ku 6 i 7 ku 8. TCB lo anunsiá e ganadornan dia 26 di sèptèmber 2019. E ganadornan ta risibí nan premio durante e evento di ‘Taste of Bonaire’, kual lo tuma lugá djasabra 28 di sèptèmber den parke Wilhelmina.  

Ofisina di Turismo ta deseá e partisipantenan tur klase di éksito, pa mas informashon por bishitá e página di Facebook: ‘Tourism Corporation Bonaire’.

Share This
error: Content is protected !!