KRALENDIJK – Resientemente durante un aktividat ku RCN a organisá pa tur medio di Prensa Boneriano, fiskal mayó Bote ter Steege a papia ku Prensa i a duna algun informashon balioso. “Prensa tin outorisashon pa entre otro saka potrèt di kualke situashon. Ta liber pa saka potrèt di kualke kos segun su deseo pa informá komunidat, ”Bote ter Steege a kontesta riba pregunta ku Prensa a hasi. El a sigui bisa: ”Un miembro di Prensa por yega e distansha ku e ta deseá, i por drenta e área prohibí ku polis sera, por ehèmpel si ta trata un aksidente. Esaki por solamente si no ta stroba, i sigui òrdu di polis. Loke si ta inkorekto si un persona sea di Prensa òf no, saka mentira pa e por haña akseso pa pasa unda ta prohibí. Djis pa bisa algu, si un persona falsifiká un ‘pas’ pa e subi sierto tereno òf drenta un lugá i mas. Esaki ta kastigabel, ”fiskal mayó a menshoná.

“Otro kos, polis no ta responsabel pa ‘fake news’. Kada persona den komunidat ta liber pa skohe unda e ta tuma nota di e informashon ku e ta sinti ku esei ta esun korekto i konfiabel i ta konforme kuné. Meskos kada organisashon, Radio, Televishon, Facebook òf Korant ta determiná kon nan ta hasi nan notisia pa informá komunidat, ”Fiskal mayó Bote ter Steege a menshoná.

Share This
error: Content is protected !!