KRALENDIJK – Rileyson M. Ayera tardi a nenga di aseptá ku el a maltratá e yu di kriansa di 4 aña. Hues G. Edelenbos a splika Rileyson ku loke el a hasi ta inkorekto. “Un tik riba kurpa di e mucha manera bo ta bisa awe no por a resultá asina fuerte.  

Akusado a menshoná ku no solamente e ta suta e mucha, sino otronan tambe ta hasié. “Nos no ta aktua ku mal intenshon, sinembargo pa stòp i mustr’é ku loke el a hasi ta inkorekto, ”akusado Rileyson a bisa. Hues a bisa ku momentu ku Rileyson rabia, e ta aktua hopi deskontrolá. “Bo a rabia i dal e mucha, tambe kibra e ‘Tablet’ di e mucha. Aparte di a atendé brutu ku e mucha, bo a menasá e mama di e yu. Bo tin poko problema pa dominá bo mes i momentu ku bo usa droga, ta bira mas difísil pa bo kontrolá bo mes, ”hues a bisa e akusado. Fiskal den su rekisitorio a bisa ku ta trata di 2 akusashon, maltrato i kibra e ‘Tablet’. Mi ta pidi un kastigu di prison di 30 dia, di kua 20 dia kondishonal i 3 aña di prueba.”

Abogado a bisa hues den defensa di e kliente, pa kita e akusashonnan.  

Último palabra di akusado: ”Mi ke yudansa pa mi por kontinuá stabil den komunidat i ku mi famia. ”Hues a sera e kaso i a bisa: ”E promé akusashon di bo yu di kriansa ta hopi serio. Riba potrèt ta notabel ku bo a dal e mucha fuerte. Mi ta kita e akusashon, sinembargo mi ta ripara ku bo ta hopi agresivo i ta gusta grita. Mester atendé i kambia e forma di komportashon agresivo. Tokante e ‘Tablet’, Si bo a kumpra algu i regalá un hende, loke bo a regalá e persona no ta di esun ku a kumpr’é. Esaki mi ta bisa, debí ku bo a menshoná ku ta abo a kumpra e ‘Tablet’ pa e mucha.

Loke fiskal J. Blanco a pidi ta bon i mi ta mantené, i aserka mi ta pone ku bo mester atendé ku reclasering pa traha riba e komportashon.   

Share This
error: Content is protected !!